आसाममध्ये मोठी खळबळ! कॉकरोच जनता पार्टीचे (CJP) सह-संयोजक आशुतोष रांका आणि कार्यकर्ते पोलिसांच्या ताब्यात

गुवाहाटी: आसामची राजधानी गुवाहाटी येथे एका नियोजित बैठकीपूर्वी कॉकरोच जनता पार्टीचे (Cockroach Janta Party – CJP) सह-संयोजक आणि मुख्य प्रवक्ते आशुतोष रांका (Ashutosh Ranka) यांच्यासह ३० हून अधिक कार्यकर्त्यांना आसाम पोलिसांनी ताब्यात घेतले आहे. या कारवाईमुळे राजकीय वर्तुळात एकच खळबळ उडाली आहे.

नेमकी घटना काय? (What Led to the Detention)

गुवाहाटीमधील आथगाव येथील नियोजित बैठकीचे ठिकाण बदलून नंतर सचिवालयमोरील चौधरी टीला येथे ठरवण्यात आले होते. ही बैठक सुरू होण्यापूर्वीच आसाम पोलिसांनी आशुतोष रांका आणि इतर नेत्यांना ताब्यात घेतले.

पोलिसांवर गुंडांसारखे वागल्याचा आरोप: ताब्यात घेतल्यानंतर आशुतोष रांका यांनी आरोप केला की, “पोलीस सकाळपासून गुंडांसारखे वागत आहेत. ही एका खाजगी मालमत्तेवर होणारी शांततापूर्ण बैठक होती, परंतु विनाकारण आमच्या सहकाऱ्यांना ताब्यात घेतले जात आहे.”
मुख्यमंत्र्यांवर टीका: मुख्यमंत्री हिमंता बिस्वा सरमा यांच्यावर टीका करताना रांका म्हणाले की, राज्यातील सरकारी शाळांची अवस्था आणि इतर महत्त्वाच्या वास्तवांचा पर्दाफाश करू, या भीतीने सरकार आपल्याला रोखण्याचा प्रयत्न करत आहे.

पक्षाची आक्रमक भूमिका :

या कारवाईनंतर कॉकरोच जनता पार्टीचे (CJP) संस्थापक अभिजीत दिपके यांनी तीव्र संताप व्यक्त केला. जर नेत्यांची तात्काळ सुटका केली नाही, तर आपण स्वतः इतर कार्यकर्त्यांसह आसाममध्ये दाखल होऊ आणि हवं तर मुख्यमंत्र्यांनी आम्हालाही अटक करावी, असा आक्रमक इशारा त्यांनी दिला.

दरम्यान, पक्षाच्या कार्यकर्त्यांनी आणि नेत्यांनी आमची ‘स्कूल थीक करो’ (School Thik Karo) शैक्षणिक मोहीम आणि तळागाळातील काम सुरूच राहील, असा स्पष्ट निर्धार व्यक्त केला आहे.